32 мянган иргэний 300 мянган төгрөгийг Төрийн санд буцаажээ

Засгийн газраас иргэн бүрт олгож буй 300 мянган төгрөгийн нэг удаагийн дэмжлэгийг нийт иргэдийн 93.1 хувьд олгосон талаар Сангийн яамнаас мэдээлэв. Тодруулбал, энэ сарын 8-13-нд гурван сая 173 мянга 897 иргэнд 952 тэрбум 169 сая төгрөгийг Төрийн сангаас арилжааны банкуудаар дамжуулан олгожээ. Харин 32 мянга 144 иргэний мөнгө Төрийн санд буцан шилжсэн байна. Энэ нь дараах шалтгаантай байгааг Сангийн яамнаас анхааруулав. Үүнд:

Хүлээн авагчийн данс хаагдсан,

Хүлээн авагчийн нэрийг латин үсгээр бичсэн,

Хүлээн авагчийн нэрийг латин болон крилл үсэг хольж бичсэн,

Хүлээн авагчийн нэрийн өмнө болон хойно сул зай авсан,

Хүлээн авагчийн нэрэнд @ #/, зэрэг тэмдэгт бичсэн,

Хүлээн авагчийн дансны дугаар зөрүүтэй буюу өөр хүний данс холбосон. Иймд иргэдийг ebarimt.mn  дэх бүртгэлээ шалгаж, шинэчлэхийг яамнаас зөвлөв.

offshore.mn

http://offshore.mn
© 2021 он. Энэхүү вэб хуудас нь зохиогчийн эрхийн хуулиар хамгаалагдсан.